Coidar dos máis necesitados debe ser unha pedra angular do Estado do século XXI. Pero dende logo, non pode basearse na explotación e a precariedade das mulleres (sexan estas familiares ou traballadoras).
Por iso seguimos avanzando na mellora dos dereitos das persoas dependentes.
1) A lista de agarda para a Dependencia baixou un 9,4 % nun ano (desde marzo de 2024), grazas ao Plan de Choque posto en marcha polo goberno de coalición.
2) Esta diminución é significativa tendo en conta que o número de solicitudes medrou un 5,4 % este ano, superando xa os dous millóns de persoas.
3) Ademais, o número de persoas asistidas alcanzou niveis récord: xa ascende a máis dun millón e medio.
- Estes son datos do primeiro Panel SAAD (Sistema para a Autonomía e Atención ás Persoas en Situación de Dependencia), unha iniciativa posta en marcha polo Ministerio de Dereitos Sociais para comprender e analizar a evolución e as necesidades do sistema e abordar os desafíos existentes.
Entre estas necesidades e desafíos serían:
a) Un maior reforzo do seu financiamento. A financiación estatal aumentou un 150 % desde 2020.
b) Reducir os tempos de agarda para o recoñecemento da dependencia. Ademais do Plan de Choque, este criterio incorporouse como indicador á hora de distribuír os fondos, beneficiando ás comunidades que realizan maiores esforzos.
c) O aumento da poboación que precisa acceder ao sistema. E, polo tanto, a demanda cada vez maior de atención personalizada e de calidade para estas persoas e as súas familias.
Este é precisamente o obxectivo da reforma da lei de dependencia aprobada polo Consello de Ministros e que debe tramitarse canto antes no Congreso. Miles de familias levan anos agardando por iso.