É opinión de Sumar que a saída a esta crise debe darse no contexto europeo e de xeito cordinado. Non se trata de gastar máis, se non de gastar mellor, defendendo e impulsando o noso estado social.
Os Fondos Europeos marcaron un punto de inflexión histórico na resposta á crise: desde a austeridade de 2008 ata a protección de máis de 2,4 millóns de empregos e medio millón de empresas cos fondos Next Generation EU.
Estes fondos demostraron ser a política adecuada para saír da crise, pero deben ir acompañados de reformas estruturais necesarias como a Reforma Laboral ou o incremento do salario mínimo. Por iso España medra e crea máis emprego que a media da UE.
Non se trata só de poder investir cartos públicos na economía; é unha cuestión política de como facelo e por que: transformar a sociedade, protexer os empregos, financiar unha transformación da economía.
O investimento público debe ir sempre asociado a políticas transformadoras que busquen democratizar a sociedade, garantindo que cada euro gastado sirva aos obxectivos de benestar colectivo, desenvolvemento verde sostible e xustiza social.
Deixar atrás a austeridade e avanzar cara a unha maior xustiza fiscal europea para financiar adecuadamente os retos comúns é o camiño correcto. O imposto sobre o patrimonio proposto podería xerar 70.000 millóns de euros e é o xeito de financiar a nosa independencia social e ecolóxica.
Afrontamos o reto da transición verde e dixital. Europa debe facer fronte ao reto e crear unha auténtica política de reindustrialización verde, dixital e común baseada nos dereitos laborais e na democratización da economía. Só así poderemos construír máis Europa.
Este proxecto de transformación industrial, dixital, enerxética e social a través de mecanismos europeos é Seguridade e Defensa. Temos que facernos cargo do mundo no que vivimos e non reducir o tema da defensa á industria militar pesada; é moito máis. A independencia e a soberanía da UE dependen de levar a cabo agora este proxecto de transformación.