Movemento Sumar Galicia na comarca de Valdeorras ten seguido con preocupación as noticias do incendio dos pasados días na Veiga de Cascallá, no concello de Rubiá (Ourense).
O acontecido pon de manifesto a necesidade de reforzar os parques de bombeiros comarcais, de dotar de medios técnicos e humanos suficientes os GES (Grupo de Emerxencias Supramunicipal) existentes, e facer o necesario para atinxir os vinte minutos pautados máximos para a chegada de efectivos de emerxencias ao lugar do suceso.
Hai que elevar a categoría profesional dos efectivos dos GES (que agora son considerados peóns) e cómpre dotar aos concellos (que xestionan os GES cada un de forma diferente e descordinada) dos médios orzamentáis suficientes para manteren a estructura, o funcionamento dentro do marco da lei e a debida equipación e dotamento.
Por outra parte, consideramos que é preciso resignificar o labor de Protección Civil, que é unha entidade voluntaria que actúa só en apoio e complementando aos profesionais nas emerxencias, estando, en muitos casos, supradotada de medios.
Movemento Sumar Galicia salienta asemade a necesidade de cumprimento estricto das obrigas legáis canto a prevención de riscos laboráis, pois recentemente o Concello de Castro Cadelas foi condeado polo Xulgado do Social a indemnizar a varios traballadores do GES local por vulnerar o seu dereito fundamental á vida e á integridade física e moral, por deficiencias no desenvolvemento das obrigas de prevención de riscos laborais.
Finalmente, Movemento Sumar Galicia manifesta o seu compromiso con a seguridade dos traballadores. No traballo, tolerancia cero ás fallas de seguridade. Ninguén debe arriscar a vida no seu posto de traballo.