O Partido Popular está a facer política a costa das doenzas do sector gandeiro e agrícola e a súa incapacidade de enfrontarse aos fenómenos meteorolóxicos causados polo cambio climático.
Acabamos de presenciar impotentes como o Kirk golpeou a Terra Chá o pasado mes de outubro, pero antes houbo outros fenómenos semellantes e cada vez serán mais habituais e devastadores.
A posición do Partido Popular galego: visitar explotacións agrogandeiras esixindo que se flexibilicen as condicións da PAC ás produtoras afectadas polo Kirk, anunciar propostas no Parlamento de Galicia ou pedir ao Goberno Central que permita permitir excepcionalidades no cumprimento coa BCAM 7 en casos de forza maior. Isto “seguen a ser faltas de respecto e burlas ás nosas produtoras.” denuncia Rodríquez Añón, representante da provincia de Lugo na Coordinadora Nacional. “Parecen non lembrar a política agrogandeira ven marcada dende Bruselas onde os populares son maioría e principais responsables da mesma.”
O Partido Popular segue sen querer entender o gran problema do noso sector produtivo agrogandeiro: as nosas gandeiras e agricultoras non queren vivir das esmolas caprichosas da PAC nin ter o seu futuro en vilo por mor do cambio climático, queren vivir dignamente do seu traballo e cos seus produtos dignificar a nosa vida no día a día.
O despoboamento do rural e a venta dos nosos lugares e aldeas a multinacionais e fondos de investimento, a eliminación de servizos básicos para o benestar como a sanidade, a educación e o coidado ás nosas maiores, o envellecemento e a falta de relevo xeneracional, a burocracia excesiva disuasoria que está a desenvolver a Xunta, a falta de apoio a novos investimentos, a falta de infraestruturas de comunicación eficaces que permitan o movemento de mercadorías ou a falta de apoio institucional son parte dos problemas que está a ter o noso campo.
E ultimamente a todo isto únense fenómenos meteorolóxicos extremos relacionados co cambio climático e a falta de mecanismos de prevención e mitigación do mesmo.
“O responsable de todo isto, vendámolo como queirámolo vender, é o Partido Popular e as súas políticas a prol de intereses particulares.” anoto Añón.
Dende Movemento Sumar Galicia apostamos por unha política agrogandeira propia e axustada á nosa realidade: apostamos polas explotacións familiares, apostamos pola recuperación dos servizos públicos no rural, apostamos por apoiar iniciativas que fagan que este sector produtivo sexa atractivo para a nosa mocidade, apostamos por recuperar a dignidade dun sector básico para todas e que está no punto de mira de fondos de investimentos e intereses particulares apoiados dende a Xunta de Galicia, apostamos por facilitar a vida no rural.
Propóñemos medidas para garantir o futuro da actividade agrícola e gandeira en Galicia coas e para as galegas e galegos.
Debemos entender estas políticas como “colonialistas”, desenvolvidas por entidades afíns ao Goberno da Xunta e que queren botarnos do rural como un ataque a nosa identidade, a nosa cultura, ao noso orgullo e a nosa tradición. Movemento Sumar Galicia insta á Xunta de Galicia a que loite por un rural digno e con futuro, un rural da xente e non das multinacionais.