Esta mañá, a portavoz do Grupo Parlamentario, Verónica M. Barbero, interveu no Congreso para trazar as nosas principais liñas en relación ao modelo de seguridade e á Europa á que aspiramos.
Compartimos aquí algunhas das ideas plantexadas: vivimos un momento de reconfiguración global cuxos efectos xa estamos a sentir. Son tres as cuestións fundamentais que definen a gravidade do momento que atravesamos.
- A criminal invasión rusa de Ucraína. É imperativo garantir a seguridade do pobo ucraíno e traballar por unha solución xusta e duradeira que respecte a súa soberanía.
- O xenocidio que está a cometer Israel en Palestina, coa complicidade de quen debería defender o dereito internacional. A Unión Europea non pode seguir mirando para outro lado.
- O avance do movemento internacional de odio, cuxo epicentro é o proxecto político de Donald Trump.
O debate sobre a seguridade europea non pode limitarse a canto gastamos ou como lle chamamos. Non se trata de cambiar unha palabra, senón de cambiar todo un proxecto.
Un enfoque de seguridade puramente militarizado non só resulta ineficaz ante ameazas tan complexas como as que se enfronta a Europa, senón que erosiona as bases democráticas do proxecto europeo.
Os inimigos de Europa tamén están dentro. De feito, no Congreso hai unha forza, Vox, que recoñece abertamente que o seu obxectivo é primeiro desestabilizar e despois destruír a UE.
Temos a obriga de promover unha Europa independente, soberana, capaz de garantir a seguridade dos seus habitantes.
Polo tanto, a nosa proposta de independencia e seguridade europea é:
- Decidir a nosa política exterior de forma autónoma. Non poder depender de quen viva na Casa Branca.
- Crear unha infraestrutura dixital soberana. Non queremos estar subordinados a Elon Musk e outros oligarcas tecno-autoritarios
- Poñer en marcha un plan de reindustrialización verde e descarbonización da nosa economía. Non saltar as cláusulas de sustentabilidade ambiental para a industria militar.
- Poder fabricar medicamentos, microchips ou ventiladores para hospitais. Non confiando en terceiros para responder a unha pandemia ou unha emerxencia.
- Avanzar no Estado do Benestar promovendo a universalidade de dereitos e prestacións. Non á austeridade das regras fiscais.
- Coordinar as capacidades operativas e as infraestruturas defensivas en toda Europa. Non aumentar o gasto en cada país.
- Reforzar os órganos de rendición de contas como o Tribunal Penal Internacional. Non impunidade.