Reivindicamos a orientación social do proxecto, destacando a oportunidade que se presenta na Coruña para o fomento do benestar social e a construción da cidade arredor da xustiza social e da xustiza espacial. Por iso, presentamos algunhas das nosas liñas argumentais básicas.
Velar pola construción social e non especulativa da cidade.
- Promovendo o uso público dominante dos espazos liberados para evitar a especulación inmobiliaria e os seus efectos de exclusión social, garantindo a accesibilidade universal e libre da cidadanía a tódolos espazos resultantes do proxecto, sen discriminacións nin barreiras de ningunha clase.
- Definindo claramente os efectos da intervención nos espazos portuarios sobre o conxunto da cidade, superando unha visión ensimesmada e lineal desta actuación para repartir os beneficios
da operación no conxunto do corpo urbano. - Deseñando un proceso de participación cidadá real evinculante e establecendo o Consello Social do FrenteLitoral.
Asegurar o dereito á cidade.
- Protexendo e fortalecendo o emprego vinculado ásactividades portuarias non molestas nin perigosas.
- Asegurando unha parte dos terreos para vivenda de promoción e titularidade pública en réxime de alugueiro, preferentemente destinada a xoves e maiores, aoestudantado universitario e a grupos vulnerables, a travésde fórmulas arquitectónicas novidosas e experimentais, que actualicen a oferta residencial e alivien a crise habitacional da cidade, universalizando o dereito á vivenda.
- Artellando mecanismos xurídicos claros que garanticen a titularidade pública do solo da área portuaria e a doada reversión de calquera tipo de concesión que neles se puidera dar.
- Establecendo espazos e oportunidades de economía social e cooperativa que promovan actividades produtivas sustentables, intensivas en emprego de calidade e ben enraizadas coa identidade marítima da Coruña.
- Poñendo en valor a memoria colectiva vinculada ao porto, nomeadamente a referida ao mundo da pesca, da emigración e aos conflitos que nel se viviron.
- Cunha axenda medioambiental e climática ambiciosa e esixente, que dea resposta aos retos presentes e futuros de saúde ambiental e de cambio climático nun entorno urbano da complexidade do actual.
- Potenciando o bordo portuario como interface da conectividade local e supra municipal, ofrecendo a adecuada resposta a unha mobilidade colectiva e sustentable que minimice os actuais conflitos derivados do uso intensivo e individual do automóbil.
Definir un modelo social de financiamento e gobernanza.
- Rexeitando modelos de financiamento baseados na venta de espazos ou outros activos públicos para cubrir os custos da operación. A necesaria modificación do PXOM debe de superar as determinacións urbanísticas impostas polos convenios de 2004, que impulsaban a desafectación e conseguinte alleamento dos espazos que ían perdendo usos portuarios.
- Todo o proceso de definición, planificación, estratexia e xestión de Coruña Marítima debe de contar con un modelo estable de gobernanza interinstitucional e de participación cidadá, a través dun consorcio público, liderado pola Cidade a través do seu Goberno Municipal e en necesaria cooperación cos demais
concellos metropolitanos implicados por esta interacción Porto-Cidade