Verónica Barbero intervirá no acto de clausura e Paulo Carlos López defenderá unha emenda para promover a celebración dun referendo sobre Altri.
Movimiento Sumar celebrará esta fin de semana a súa Asemblea Estatal en Madrid na que, ademais da aprobación dos textos políticos e organizativos, a organización laborista escollerá ao seu máximo órgano de dirección, o Grupo de Coordinación. Para este órgano haberá dúas candidaturas, apostando a delegación galega de forma íntegra por “Construír la esperanza”, encabezada por Lara Hernández, con Yolanda Díaz de número 3 e na que en postos destacados está a Portavoz Parlamentaria do Grupo Plurinacional Sumar, a deputada por Pontevedra Verónica Barbero.
Nesa mesma candidatura tamén están Manuel Lago (deputado pola Coruña), Juan Díaz Villoslada e Rocío Núñez Rúa, que previsiblemente todos e todas serán escollidas. De igual forma, incorpóranse directamente ao Grupo de Coordinación por designación directa de Movemento Sumar Galicia o seu Secretario Xeral, Paulo Carlos López, e a Secretaria de Organización, Gloria Alonso Domínguez, tras obter o respaldo unánime dos membros da Coordinadora Nacional de Movemento Sumar Galicia e dos 38 delegados que participarán na Asemblea.
De igual forma, Verónica Barbero terá un papel protagonista na celebración da Asamblea Estatal, xa que tomará a palabra con Ernest Urtasun e a propia Yolanda Díaz, xunto cos secretarios xerais de CCOO e UGT, no acto de peche que terá lugar o domingo 30 ás 11.30 no Teatro Alcázar de Madrid.
Por outra banda, o Secretario Xeral de Movemento Sumar Galicia, Paulo Carlos López, defenderá que a organización se posicione oficialmente, “a favor dun referendo consultivo sobre Altri na comarca da Ulloa e que o promova oficialmente dende o goberno e dende o Congreso” a través dunha emenda ao texto político feita pola delegación galega.