Sumar rexistrará unha iniciativa no Congreso dos Deputados, co obxecto de instar ao goberno a que non se lle outorguen fondos europeos á planta de ALTRI en Palas de Rei. Así mesmo, insta á realización dun referendo nos municipios afectados directa ou indirectamente, abrindo así a porta a que se incluiran todos aqueles que percorre o Ulla e, incluso, aos da ría de Arousa.
Anunciouno a Portavoz de Sumar no Congreso, Verónica Barbero, en roda de prensa, sinalando a responsabilidade da Xunta de Galicia por “dar luz verde a un proxecto que atenta contra o futuro de Galicia. Un atentado ambiental que levará por diante o río Ulla e que supon unha ameaza para a saúde”. Barbero, que é así mesmo Presidenta de Movemento Sumar Galicia, acusou ao presidente da Xunta de “ignorar a maior mobilización social en Galicia dende o desastre do Prestige e de vender ás veciñas, ecoloxistas e sectores productivos esenciais para a economía galega”.
Así, indicou que a organización vai presentar unha iniciativa para que o Goberno impulse a celebración dun referendo consultivo nos municipios afectados, “para que non poida hipotecar o futuro de xeracións de galegos e galegas sen o seu consentimento.” Esta proposta recolle tamén unha esixencia ao Ministerio de Industria para rexeitar a solicitude de Altri para recibir 250 millóns de euros de fondos Next Generation.
Sumar considera que esta subvención sería contraria á normativa europea, que indica que os proxectos atendidos non deben “facer un dano significativo”. Entenden que o nivel de contaminantes emitidos, o consumo de auga e a súa localización convirten o proxecto nun “atentado que baixo ningunha circunstancia pode ser merecedor destas axudas á descarbonización, cando contamina máis que calqueira pasteira exustente en España”.
Por último sinalou tamén que Sumar defende “un modelo que respete a contorna, que aposte pola sostibilidade e por un desenvolvemento económico que beneficie á maioría.”
Actualización, xoves 20 de marzo
A eurodeputada de Sumar, Estrella Galán, anunciou tamén o rexistro de preguntas á comisión Europea, para que aclaren se consideran que a instalación de ALTRI cumple os criterios de sostibilidade da UE.
Podes consultar as iniciativas presentadas nestes enlaces:
PNL Congreso –
Preguntas Parlamento Europeo –