Houbo dúas votacións esta semana no Congreso que teñen dado qué falar.
Este xoves votábase no Congreso a creción da Axencia Estatal de Saúde Pública. O PP volveu primar os seus intereses partidistas sobre a política, sobre o ben común. Volveu xogar unha mala pasada e cambiou de voto no último momento. Incumpriu a súa palabra.
Votar en contra desta axencia é votar en contra de poder anticipar posibles epidemias como o COVID.
E é que o obxectivo desta axencia é corrixir as deficiencias que se expuxeron durante a crise sanitaria hai cinco anos: a falta dunha resposta coordinada ás emerxencias, a fragmentación da xestión da saúde pública entre administracións, e a necesidade dun sistema de vixilancia epidemiolóxica máis robusto e coordinado.
Ademais, a creación desta axencia é froito do consenso e do traballo compartido con comunidades autónomas, profesionais, sociedades científicas e partidos políticos. Incluído o PP. O único partido que se opuxo ata a votación de hoxe foi Vox.
Hoxe, unha vez máis, Feijóo e os seus seguidores antepoñen a súa competencia coa extrema dereita á saúde e o benestar dos españois, utilizando esta votación para castigar ao goberno por unha lei que non ten absolutamente nada que ver.
Tamén se votaba a lei contra o desperdicio alimentario, e as dereitas consideraron oportuno utilizala para desprotexer e vovler atacar ao lobo.
O PP, Junts, Vox e o PNV aprobaron hoxe retomar a caza do lobo ao norte do río Duero ao excluílo da Lista de Especies Silvestres en Especial Protección. ERC e Bildu abstivéronse.
Trátase dun retroceso ambiental e unha resposta simplista a un problema complexo.
Existen outras medidas preventivas (vallado, cans de garda e agrupación de rabaños) que reducen de forma efectiva os danos ao gando. Alemaña e Francia lograron a convivencia sen recorrer á caza.
O lobo é clave para o equilibrio ecolóxico. O seu papel é esencial para a biodiversidade e a saúde dos ecosistemas agrícolas.
O Ministerio de Transición Ecolóxica destina xa 20 millóns de euros anuais a axudas para reforzar as medidas de prevención e compensación da gandería extensiva. Deben ampliarse e xestionarse de forma máis eficaz,
O lobo non é o inimigo do mundo rural. Entre elas destaca o despoboamento, a falta de servizos, os prezos inxustos para os gandeiros e un modelo de distribución que favoreza ás grandes corporacións. Por iso, hai que impulsar políticas que garantan a posibilidade de vivir unha vida digna e sostible en todos os territorios.